Da Seppl mit di goldenen Hoar

's woar amal an oarma Baua und a Beirin, dö hom an Suhn ghobt, und der hot Seppl ghoaßn. Wia da Bui greßa worn is, is's eanar a bessa gonga, und da Seppl is i d' Stodt gonga und hot si a feams Roß kafa wölln.

Wiar a am Roßmoak kema is, is a reicha Herr dogwest, und dea hot d' schensten Roß zommkaft, daß firn Seppl goa kans do mehr gwest is. Wal owa dea reichi Herr an Knecht braucht hot, hot a in Seppl gnumma. In Seppl woar dös schon recht, wal ar a festa Kerl woar. Volla Freid is a mit sein Herrn hoamgrittn.

Jetz san's in an großn Wold kema, der so schiach und ed woar, daß si da Seppl denkt hot: Won i a glei scho wieda draußen wa. Owa je weida als s' kema san, desto finstra is's worn. Do is's in Seppl weida nit koit iban Bugl grennt.

Wia s' owa scho a poar Tog groast san, hot der grauslichi Wold auf anmol an End gnumma. Jetz is owa in Seppl a Trum Stoan von Herzn gfolln, wiar a gsehgn hot, wo sein Herr hingroast is.

Mittn auf a wundaschen Wiesn is a Gschloß gstandn, dös woar so schen und groß, daß si da Seppl goa nit einiz'geh hot traut. Und erst wiara drinad woar, do hat ar enk weida nit gsponnt iwa de schen Zimma und de schen Socha, was do woan.

Wiara si hot dös alls angschaut ghobt, hot an sein Herr in Stoll gfiart und hot eahm an schen Schimml zagt und hot gsogt:

"Woaßt, Seppl, du hast sunst nix z'toan, als alli Tog dös Roß z'füadan! Z'essn wiast gnua horn, 's Gwond kriagst a vo mir, und mehr brauchst nit."

Dös woar in Seppl scho recht, und er hot si denkt: 's kint goa nix bessas mehr gebn. Wia da Herr furt gwest is, hot da Schimml zan Seppl gsogt, er soll in'n Hof gehn, do wiad ar an Brunn sehgn, und do soll ar a Glasl Wossa bringa.

Do is da Seppl hingonga und hot ans brocht, und 's Roß is heagonga und hot in Seppl a bißl iwan Schedl gossn. Iatz woarn auf anmol seini Hoar aus Gold. Do hat da Seppl weida ka Freid ghobt, hot si aufs Roß gsetzt und is wia da Wind furtgrittn und hot gschaut, daß ar a hoamkema is.

Wiara owahboamkema is, bot da Schimmel gsogt, er soll no nit zan Vodan und zu da Muida gehn, er soll eahm wos von den Wossa z'saufa gebn.

Da Seppl hot dös tan, und auf anmol is a wundascheni Prinzessin mit langi goldani Hoar dogstandn.

Ui jekas, do hot da Seppl gschaut, hot s' gheirat und is a großa. Kini woarn. Sein Vodan und sei Muida, dö a grenznlosi Freid iwa eahnan Subn ghobt hom, hot a zu eahm gnumma, und da besi Hexnmoasta, der di Prinzessin vahext hot, is vabrennt worn. In Seppl is's guid gonga, und's het koan bessan Kini gehn kina als unsan Seppl.

Jetz wiari enk wos dazöbin

vo da longa ElIn

und vo da kuazn Wocba,

wo mei Vodar a Fadl ogstocha.

Do kriagt der a Wuascht

der a Wuascht, der a Wuascht,

der an brodanan Hosn

und du - a Patzl auf d' Nosn.